接下來幾天，阿雪忙著尋找Did Did姐要見的人，Did Did姐一整天在酒店房間躲著說要思考，連用餐都叫酒店職員送上房間，而Tony也是一直愁眉不展的不願外出。
作為整件事中的閒人，我自是四處蹓躂，在Big C門外吃過街頭的炸雞後，我不知不覺沿大街漫步到了四面佛。
雖然我沒有宗教信仰，但還是不禁走進去，默念著希望AR604這宗事件可以水落石出。
當我凝望著四面佛那金色的佛像時，突然一把低沉的哭泣聲傳到我的耳邊。
我本來不想不禮貌地去注視一個傷心的人，可是當我斜眼看過去時，我的目光被那人手持的照片懾住了！
那張照片上是一個漂亮的女孩子，但我不是震驚於她的美貌，而是照片中她的衣服，她穿著AR航空公司的制服！
而那拿著照片跪在四面佛前低泣的是一個年輕的男人，直覺告訴我，他和照片中的人是戀人關係。
我猶豫著上前輕拍了拍那男人的肩膊，他抬頭看我，一張俊秀的臉孔上盡是疑惑。
我試著用英語問他：「呢個係唔係你女朋友？佢……佢舊年七月喺AR604 呢班機上面？」
他詫異得張大了嘴巴，然後四處張望了幾回，才慢慢站起來用流利的英語說：「你係邊個？你點知有AR604 呢班機？」
我竟然在無聊蹓躂間，找到Did Did姐要見的人！
一時間，我倆似乎都有點慌亂，拉扯著離開了四面佛的參拜範圍，走到了街上人少點的地方。
「你係邊個？」他比我更著急。
我說：「我係香港人，陪我朋友同個偵探嚟搵佢搭乘咗AR604嘅親人。」
他聽罷我也是尋人，顯得有點失望地道：「我都係，我搵我女朋友，不過……我諗唔會搵到。」
他俊秀的面容加上流利的英語，令我不禁問道：「你係……空中少爺？」
他點了點頭。
我又問：「你係AR航空公司嘅空中少爺？」
他又點了點頭。
這回輪到我著急起來：「係咁，可能你有啲我哋唔知嘅線索，我哋又有啲你唔知嘅線索，不如你跟我去見見個偵探？」
他遲疑了一下，道：「你真係香港人？你真係唔係公司嘅人？」
我對天做了一個發誓的動作道：「我唔係！」
他把女朋友的照片袋進褲袋，點了點頭道：「咁我哋而家去？」
我點了點頭，趕忙伸手截了輛的士回酒店去。
原來這個男人叫Chantira，他跟女朋友因同在AR航空公司上班而認識，已相戀三年，且到了談婚論嫁的地步。
雖然我平時很麻甩，但其實眼淺得很，在的士中聽他訴說著時，自己也不禁淚花亂轉。
我們很快來到酒店找Did Did姐，Did Did姐興奮地請他進房間，Chantira卻突然猶豫起來道：「我諗……都係算啦，唔會搵到佢架啦。」說罷竟還轉身想走。
我著急地大聲說：「唔好放棄！或者我哋嘅線索可以幫到你搵你女朋友呢？」
「唔會架啦！我去四面佛度都只係想祈求我女朋友安息。」
「你唔可以咁易放棄！你……」我大聲嚷著。
這時，對面房間的Tony可能聽到我們的吵鬧聲，便開門看個究竟，而剛好Chantira正大聲嚷著：「坐AR604嘅人都死晒架啦！搵唔到架啦！」
Tony聽罷旋即撲過去箍著Chantira的頸項：「你講咩？你係邊個？你知啲咩？」
Chantira大力掙扎著，Tony繼續大叫：「我老婆仔女去咗邊？你話我知！」
Chantira聽見他的說話，突然安靜了下來，眼神充滿悲傷地問：「你老婆仔女……搭咗AR604？」
Tony這才放開他點了點頭。
「唉！」Chantira莫名地嘆了一口氣道：「或者，你聽完我講，就會死心。」他說罷逕自走進了Did Did姐的房間坐了下來，我們也一窩蜂的走了進去。
Tony幾乎是跪在他面前，哀傷地問：「你知道啲咩？」
「我係一個空中少爺，呢件事，相信飛過香港嘅同業都可能會見過，上年春天開始，我唔只見過一次，香港上空有一啲異像……」
「異像？」我們三個異口同聲地問。