「做返個成熟男人要做嘅事」？Lyle的說話一直在我腦袋中回盪，我一整個午飯時間都在想這件事，從中理出一點頭緒來。
午飯後，我深呼吸一下，拿著手機向ALexendra的房間走去。
「咯咯……」我敲了敲她的房門。
她抬頭看了看我，板起了面：「咩事？」
我進去把手機遞給她。
她沒有接，只是問：「做咩？」
我認真地說：「其實偷拍你係我唔啱嘅，你親手delete咗佢啦。」
她默不作聲，伸手接過了電話，但卻久久沒有按下那個「刪除」鍵。
「Alexendra，得唔得閒傾少少嘢？」另一部門的經理在門外說道。
「OK，阿Fred你出去先吖！」Alexendra把手機塞回給我，卻始終沒有把短片刪掉。
我呆頭呆腦地返回座位，把剛才的經過又告訴了Lyle，早上才滿有正氣的他又回復衰相：「即係渣姐唔捨得delete呀！」
我不置可否：「係唔係架？」
這時我的手機響起，是一個私人來電。
「喂！請問係唔係Fred？」話另一端的聲音怪怪的，像是在扮聲。
「係，你係......？」我問。
「你老豆想約你今晚食飯，聽講你細佬同未來弟婦都出席，重有親家！」
「吓......你係邊個？」怎麼會有人代老豆打來約我吃飯？
「咳咳！」那個人清了一下喉嚨：「嘻嘻！玩你咋，你老豆把聲都唔認得！」老豆的聲音傳了過來，原來方才他在扮聲。
「你條老頑童！」
「嘻嘻！」
「今晚見啦！」
掛了電話，我看一看Alexendra，她跟那經理還在開會，待會我應再給她手機，讓她刪除短片嗎？
可是，直到下班時間，Alexendra仍未有空，今天我又要去家人晚飯，心想只好明天才算吧！
來到酒樓吃飯，我一直心神恍惚在想著Alexendra的事，細佬的未來外父外母似乎都人很好，而且十分健談。
「你哋要相敬如賓呀，知唔知？」未來外父對細佬說，細佬只笑著點頭。
「阿女你返到屋企唔好太強勢呀！要聽老公話，知嘛！」未來外母說。
「哈！我老婆當年係我上司，畀我收復咗！」未來外父得戚地說，我不禁被他這句吸引住，內心又想起ALexendra，不禁紅起臉來。
「爸呀！唔好想當年啦！」未來弟婦卻撒嬌道。
「唔係啊！阿哥哥好似想聽噃！」未來外父看著我，我只好尷尬地乾笑著。
他沒有理我，續說：「當年我老婆喺工廠做管工，我就做散仔，佢擺唔低個面子，又怕同我唔夾，對我幾惡呀！但原來係暗戀我！呵呵呵呵！之後畀我追到，咪又係要聽我話！呵呵呵呵！」
「爸呀！失禮死人啦！」未來弟婦大叫著，未來外母卻在旁甜絲絲地微笑，而我，不知怎的，整個心裡都是Alexendra。